CEI

Përfitimet e Trajnimeve Interaktive

Në epokën moderne dixhitale, pothuajse çdo gjë bëhet në mënyre virtuale, pasi komunikimi i menjëhershëm është bërë pjesë e rëndësishme e jetës sonë. Ne kemi përfituar nga të gjitha avancimet e fundit që janë bërë në telekomunikacion, komunikimi është bërë më i lirë, më i shpejtë dhe më i përshtatshëm. Por, përpara se teknologjia të zhvillohej kaq shumë, njerëzit ndërvepronin dhe mësonin nga njëri - tjetri pa patur nevojën e përdorimit të një kompjuteri. Ne komunikojmë, mësojmë në mënyrë më efektive nëpërmjet ndërveprimeve fizike.

Në kohët e sotme, kurse dhe trajnime të ndryshme po zhvillohen gjithmonë e më shumë online, pasi janë më tepër të përshtatshme për programet e studentëve, kanë më tepër fleksibilitet dhe gjithësecili mund të ndjekë ritmin e tij. Por, kërkime kanë treguar që trajnimet online janë më pak efektive se trajnimet të cilat na mundësojnë interaktivitet.

Cilat janë disa përfitime që sjell një trajnim i zhvilluar në mënyrë të drejtpërdrejtë?

1- Ju motivon më shumë

Nëse nuk jemi të motivuar ose nën përgjegjësi për të përfunduar një detyrë të caktuar, ne do ta anashkalojmë deri sa të mundemi. Nëse ndodhemi në një grup me persona të tjerë, ne do të marrim sadopak motivim për të mësuar, për të praktikuar dicka dhe për ta mbyllur një detyre. Koha që shpenzojmë në trajnim na ndihmon të fokusohemi dhe të punojmë në atë cfarë duam të arrijmë.

2- Bashkëpunoni me kolegët e tjerë dhe me trajnuesit

Është mundësia më e mirë për të krijuar marrëdhënie me personat të cilët marrin pjesë në trajnim, pasi mund të krijoni marrëdhënie me përfitime të dyanshme. Eksperiencat e të tjerëve mund të kthehen në mësime për situata që do të përballeni në të ardhmen.

3- Merreni situatën nën kontroll

Shpeshherë ndodh që një trajnim të mos shkojë siç e kishit parashikuar. Pjesëmarrësit mund të mos jenë shumë të komunikueshëm dhe në këtë mënyrë do të jetë sadopak e vështirë për të diskutuar për temat aktuale. Ajo që mund të bëjmë është të organizojmë aktivitete ose diskutime dhe t'i përfshijmë të gjithë për të marrë pjesë, që të jetë edhe më e lehtë për ta për të shprehur mendimin ose eksperiencën e tyre.

4- Praktikohuni

Këto lloj trajnimesh të japin mundësinë të praktikosh atë që dëgjon ose lexon. Mënyra më e mirë për të përmirësuar aftësitë dhe karrierën tuaj është të praktikoni çdo gjë, prandaj edhe trajnimet e CEI nuk kanë thjesht teori, por raste konkrete.

4 Pika për t'iu Ndihmuar në Planin e Negocimit

Për shumë njerëz, aftësia për të negociuar është e lindur. Për të tjerët është një aftësi e fituar gjatë jetës, nga eksperienca dhe gabime të ndryshme. Negocimi është i nevojshëm nëse kërkoni të jeni në kontroll të biznesit ose karrierës suaj.

Mënyra më e mirë për të shmangur frikën gjatë negocimeve është të kesh një plan ku të bazohesh. Më poshtë do t'iu paraqesim 4 pika për t'i marrë në konsideratë në krijimin e një plani strategjik dhe si të arrini marrëveshjet që kërkoni:

1- Prioritet ka vlera e një produkti ose shërbimi më tepër se sa çmimi i tij

Personi me të cilin kërkoni të bëni një marrëveshje mund të mos e ulë çmimin e tij, por është i gatshëm të ofrojë diçka më tepër për t'i rritur vlerën shërbimit të tij. Shërbimi dhe kualiteti kanë një rëndësi më të madhe se çmimi. Nëse hiqni dorë nga diçka, kërkoni për diçka tjetër e cila përsëri do të ketë vlerë për ju. 

2- Emocionet luajnë një rol të rëndësishëm në negocim, por jo vendimarrës

Duhet të jeni të kthjellët gjatë negocimeve dhe të mos lejoni emocionet të bëhen pjesë e një situate të vështirë ose të një marrëveshje e cila nuk shkoi siç e prisnit. Shpeshherë negocimet nuk shkojnë mirë, por kjo nuk është një arsye për të prishur marrëdhënie me një partner potencial në të ardhmen. 

3- Përgatitni gjithmonë një plan rezervë

Nëse negocimet nuk shkojnë siç i prisnit, mbani gjithmonë një plan rezerve. Llogaritni kostot e shërbimeve të tjera të përafërta, në mënyrë që t'i përdorni në strategjinë rezervë.

4- Dokumentojeni marrëveshjen tuaj

Mbajini të dokumentuara mesazhet, email-et në të cilat janë zhvilluar diskutime të ndryshme. Mund t'i përdorni për të mos harruar pika të rëndësishme të cilat janë diskutuar më përpara. Mund të mos jetë diçka tepër formale, por do të jetë e rëndësishme në momentin që do t'iu dalë ndonjë problem ose paqartësi.

CEI ju jep një mundësi për të përmirësuar aftësitë tuaja me anë të trajnimit " Negociata ". Trajnimi përfshin:

  • - Planifikimin e strategjive të negocimit
  • - Modeli i negocimit
  • - Analiza
  • - Krijimi i një kontrate
  • - Ekzekutimi dhe vlerësimi i teknikave të përdorura

Zotërimi i mirë i aftësive të negocimit është diçka e cila do t'iu ndihmojë në çdo aspekt të jetës. Përmirësimi i tyre është një mënyrë për të krijuar marrëdhënie por edhe për t'i mbajtur ato.

Rëndësia e Gjuhës Angleze në Biznes

Gjuha angleze konsiderohet si gjuha ndërkombëtare e biznesit dhe e suksesit. Është gjuha më e përhapur në botë, ndaj nëse nuk e keni praktikuar shumë, nuk do të arrini të komunikoni dhe të krijoni marrëdhënie me persona të tjerë. Numri i njerëzve të cilët flasin gjuhën angleze po rritet dita ditës dhe nëse dëshironi të zhvilloheni profesionalisht, ju nevojitet që ta perfeksiononi atë.

Cili është ndryshimi ndërmjet gjuhës angleze dhe asaj të biznesit?

Të dyja kërkojnë zhvillim të aftësive të të komunikuarit, të të dëgjuarit, të të shkruarit dhe kjo gjë kërkon shumë punë dhe praktikë. Por, gjuha angleze e biznesit fokusohet më tepër në një fjalor të veçantë dhe në terma të biznesit, financës dhe marrëdhënieve ndërkombëtare. Fokusohet në:

  • Formatet e email dhe raporteve
  • Prezantime
  • Axhenda dhe plane etj.

Benefitet e gjuhës angleze në biznes janë:

1- U bëni përshtypje punëmarrësve

Në ditët e sotme, pavarësisht eksperiencave të shumta që mund të keni, një punëmarrës do e marrë të mirëqenë që ju e dini këtë gjuhë. Pra, për t'i impresionuar, është e rëndësishme që të flisni në mënyrë të rrjedhshme. 

2- Komunikim më i mirë me kolegët ose klientët tuaj

Në ambjentet e punës, ti je pjese e një ekipi dhe do t'iu lidhin shumë punë të ndryshme me njëri - tjetrin. Në kompanitë e huaja, gjuha angleze është baza e komunikimit dhe do të keni të bëni edhe me klientë të huaj. Gjuha në këtë rast duhet të jetë e praktikuar por edhe e specializuar në fushën e biznesit, pasi shumë detaje të saj do t'iu ndihmojnë në komunikim, në prezantimin e punës suaj dhe në krijimin e marrëveshjeve. 

3- Ju lejon të udhëtoni

Nëse keni dëshiruar gjithmonë një punë e cila ju jep mundësinë të udhëtoni nëpër shumë vende, anglishtja do të jetë një ndihmesë për ta arritur këtë gjë. Ju do të keni mundësinë të njiheni me persona të huaj, klientë potenciale me të cilët do të arrini të komunikoni në gjuhën angleze, në gjuhën e përbashkët.

4- Ngritje e karrierës suaj

Me praktikë të shumtë, ju krijoni vetëbesim dhe aftësi për tu shprehur. Keni mundësi më të mëdha gjatë intervistave por edhe për ta zgjeruar karrierën tuaj. Studimet tregojnë që personat të cilët njohin shumë gjuhë kanë mundësi më tepër për tu rritur profesionalisht.

Çdo aftësi e fituar është një ndihmesë për karrierën tuaj, por anglishtja ka rëndësi më tepër, pasi të mundëson çdo komunikim, marrëdhënie etj. Nëse dëshironi të bëheni një profesionist në atë cfarë bëni, niseni këtu. 

Rëndësia e Komunikimit në Publik

Komunikimi është shtylla e shoqërisë sonë, duke na mundësuar krijimin e marrëdhënieve me persona të tjerë dhe sjelljen e ndryshimit në shoqëri. Pa komunikim, zotësia për të përparuar në botën profesionale dhe në vetë jetën tonë, do të ishte e pamundur. Komunikimi në publik është ndër format më të rëndësishme të komunikimit, por edhe aj0 të cilës i frikësohen më shumë. Ai mund të jetë një faktor vendimarrës në marrëveshjet e punës, ngritjet e biznesit ose kompanisë suaj, por edhe në marrëdhëniet me shoqërinë tuaj. 

Disa momente në histori të cilat shprehin rëndësinë e komunikimit në publik:

  • Marthin Luther King me fjalimin e tij " I have a dream " frymëzoi një popull të tërë duke prishur barrierat e racizmit. Pa udhëheqjen dhe fjalimin e tij do të nevojiteshin edhe 10 vite të tjera për të sjellë barazi mes rracave.
  • Abraham Lincoln nuk do të ishte një ikonë e historisë sot pa fjalimin e tij " Gettysburg Address ".
  • Fjalimi i Eleanor Roosvelt i cili vendosi Deklarimin e të Drejtave të Njeriut nga Shtetet e Bashkuara të Amerikës. 
  • Nelson Mandela me fjalimin e tij " An idea for which I am prepared to die " ndihmoi në nxitjen e opinionit kundrejt padrejtësive të aparteidit. 

Historia ka treguar që Komunikimi në Publik  ka bashkuar njerëz dhe ka sjellë ndryshime të mëdha. Por cilat janë disa nga arsyet pse ai është i rëndësishëm në jetën tonë?

1- Rritje e Vetëbesimit

Duke praktikuar fjalime të ndryshme në publik, ju zhvilloni aftësitë tuaja, rrisni vetëbesimin dhe mësoni të perceptoni reagimet e njerëzve kundrejt mesazhit tuaj. Ju arrini të kuptoni mënyrën se si mendojnë njerëzit.

2- Një mënyrë perfekte për të rritur biznesin tuaj dhe karrierën tuaj.

Nëse keni biznesin tuaj, komunikimi është mënyra kryesore për ta zhvilluar atë, pasi ju krijoni marrëdhënie me kolegë të tjerë, duke rritur shitjet ose imazhin e tij. Gjithashtu është një ndihmesë në karrierën tuaj pasi arrini të prezantoni veten tuaj në mënyrë sa më profesionale. 

3- Ju lejon të bëni një ndryshim në biznesin, karrierën ose jetën tuaj

Komunikimi është një mundësi rritjeje si udhëheqës dhe si inovator. Ju arrini të ndikoni tek persona të tjerë, duke i influencuar ata dhe duke sjellë ndryshime pozitive në jetën e tyre. Në mënyrë që dicka e rëndësishme të realizohet, duhet që fillimisht të përcillet nga një person tek një tjetër.

4- Tregoni njohuritë tuaja

Duke dalë përpara një publiku, ju prezantoni veten tuaj si një ekspert në atë fushë dhe shpërndani njohuritë tuaja me të tjerët. Përgatitja për një fjalim dhe se si do t'i përcillet audiencës, është një ndihmesë për ju që të kuptoni më mirë përmbajtjen. 

5- Frymëzoni të tjerët

Aftësitë e mira në komunikim ju japin mundësinë të frymëzoni të tjerët nëpërmjet fuqisë së fjalës. Ka shumë aktivistë dhe oratorë motivues të cilët kanë arritur ta bëjnë botën një vend më të mirë. 

Komunikimi në Publik është ndër aftësitë më të fuqishme që mund të zotëroni dhe që ka ndikim në fusha të shumta të jetës suaj ose të personave të tjerë. Cilido qoftë qëllimi juaj: të zhvilloni karrierën tuaj profesionale, të krijoni marrëdhënie me kolegë të ndryshëm, të bëheni oratorë motivues për një audiencë të madhe ose edhe thjesht për të fituar vetëbesim, mënyra për t'i arritur këto është duke përvetësuar të folurit në publik.